عرب نيوز - خايفة من الماضي

انا روان عمري 23 سنة وانا بأول سنه بالجامعه تعرفت على شب من برة الجامعه اسمه محمد وكانوا اخواتي وامي على علم بالموضوع وحبينا بعض كتير وخطبت وفسخت مشانه.. واجا طلبني بس النصيب ما صار (مش متعلم) بنفس الوقت اللي كنت احبه كان الي زميل بالجامعه اسمه خالد كنا كتير اصحاب مع بعض وبنحكي لبعض كل شي حتى اني حكيتله عن محمد وكل شي بصير بينا وبعد ما انفصلت انا ومحمد حكيت لخالد انه نحنا تركنا وتخرجت وضلت علاقتي مع خالد بس خفت كل شهر مرة بنسأل عن بعض..

عرفت خالد على بنت خالتي وكنت ازا بحكي تكون هيي موجودة وماخدين كتير على بعض واجا يوم اللي طلبني فيه ابن عمتي وتقريبا كنت موافقة وصار حكي بيني انا وخالد وبنت خالتي وحكتله اني رح اخطب وبعد كم يوم حكى خالد مع بنت خالتي وحكالها انا بحب روان بس خايف احكيلها لتصدني راحت حكتلي بنت خالتي بالموضوع وبصراحة انا كنت اعز خالد كتير وما كنت حابة ارتبط فيه وانا لسه بفكر في محمد.. وضلت تقنع فيي لحد ما اقتنعت وخاصة انه شب محترم كتير وملتزم وبعرف عنه كل شي.. وهلا الحمدلله خطبنا وكتير مبسوطة معه وهو كتير بحببني ومتعلق فيي كتير وانا نسيت محمد وما في غير خالد بحياتي وعندي اياه بالدنيا كلها..

بدي ادخل بالمشكلة انه خالد بعرف كل شي عن محمد والكل نصحني اني احكي لخالد انه قصة محمد كزب وما كان بالاصل شب اسمه محمد وفعلا اقتنع خالد بهالحكي. بس المشكلة انه خالد كل مرة بتزكر موقف صار وبزكرني فيه وبحكيلي ليش عملتي هيك وبالاخر بحكيلي انا عارف انه ما في محمد بس المواقف اللي كنتي تعمليها بتحسسني انه عن جد كنتي تحبي شب اسمه محمد..

وكل مرة بتحجج بكزبة ومتدايئة كتير اني عم بكزب عليه لاني بحبه من كل قلبي وبنفس الوقت ما بدي ارجع احكيله انه كان بحياتي شخص واني كزبت عليه لانه اكيد الثقة رح تروح بيناتنا وهلا بتمنى تعطوني حل لاني خايفة يصير موقف او يسمع خبر من اي شخص ويعرف اني كنت اكزب عليه والله محتارة بس والله العظيم اني بحبه وبموت فيه وهو كل شي بحياتي..

الله يخليكم بدي تعطوني الحل بس يكون معقول، شكرا كتير

التعليقات (23)

1 أضيف بواسطة سنا, في 23-10-2008 | 14:01
قول الحقيقة من البداية كان لازم بس لانك كذبت ما حكيت الصحيح اذا بدك تحكيله الان مصيبة لانه راح يشك اكثر مع تاكيد شكه فيك ... برأيي تتركني الأيام تداومي شكه الا اذا ما بتقدري يفضل وبصراحه تتركيه لانه أصعب شيء بين الزوجين فقدان الثقة ومن كلامك بشك ولو 1% لهيك حاولي تتناسي الموضوع والايام تداويه بس اذا زاد الشك عنده كتييير برأيي تتركيه احسن لان الزواج مع شك قنبلة موقوته اخرتها الطلاق لا سمح الله ... بس عتبي عليك اولا واخيرا كان لازم كنت صريحة معه من الاول

2 أضيف بواسطة غلط كبير, في 23-10-2008 | 14:08
الأخت الكريمه بصراحه انتي كنتي ماشيه بالطريق الصحيح بس انتي طلعتي حالمك منو, بما انو خالد بيعرف انو في واحد قبلو معناتو خالد تقبلك متل ما انتي.. بس انتي لما حكيتيلو انو ما في حد تاني هو بيكون كتير فرح انا متأكد من هالشي بس هلأ اذا عرف الحقيقه رح يحس كأنو عرفها لأول مره و رح تصير كتير مشاكل... من وجهة رأيي المتواضعه بنصحك انتي تخبريه احسن ما يعرف من غيركبغض النظر عن النتيجه لأنه النتيجه هلأ رح تكون أخف بكتير من بعدين.

3 أضيف بواسطة دواوين جامعيه, في 23-10-2008 | 14:14
اذا حضرتك بأول سنه جامعه ما صدقتي وهات يا شباب الله يعينك السنوات الي جاي خاصه اته كل الشباب حلوين وامامير وبس بدهم وحده تزحلق بوحلهم و............... وبكره بيجيك قريب وبسلخ جلدك وسعيتها الكل بصير يدافع او يتهجم على قتل الشرف وانت حرام بتصيري ضحية المجتمع الذكوري .. التهي بدراستك ولما يجي حد يدق باب اهلك بكون نصيبك بلا اعاقه وهبل

4 أضيف بواسطة مش مشكلة, في 26-10-2008 | 22:16
مش مشكله الماضي المهم انتي مبسوطة اليوم انسى الي راح واعتبري انو اشي ما صار هلاء ما في شي اسمو محمد عندك خالد خليكي مع خالد وشفي المستقبل وانسى الماضي واعتبريه مو موجود مدام النيه عندك صافيه خليكي علة ما انتي و الى الامام

5 أضيف بواسطة abdalla, في 30-10-2008 | 12:57
للأسف موضوعك تافه جدا

6 أضيف بواسطة معاك معاك, في 30-10-2008 | 22:48
يا دواوين جامعية شكلك حاطت عيناك عالبنت و بدك تخرب عليها، البنت بتحكيلاك انها اتخرجت يعني كويس انها لحقت حالها وإلا كانت على عتبة العنوسية هلا هههههههههههههههههه.

7 أضيف بواسطة مجربة, في 01-11-2008 | 12:54
الشك يؤدي الى الطلاق هذه قاعده
واحنا مجتمع شرقي ومادامك على البر انهي الموضوع من عندك
لانه بكرة لما يتزوجك وتصبحي ملكا له على اقل سبب راح يحكيلك شو اخبار ابو حمييييييييد؟؟؟؟؟؟؟؟؟؟؟؟؟؟؟؟؟؟؟
سدئيني اسالي مجربة

8 أضيف بواسطة saleh, في 04-11-2008 | 23:41
كلهن واحد

9 أضيف بواسطة خبير بس صغير, في 05-11-2008 | 08:42
اسمعي
احسن شي تحكيله انك كتييييييييير بتحبيه وتحسسييه انه مالك كل قلبك يعني تعمليه احلى من تامر حسني وانك بتحبيه اكتر من حب جوليت لروميو وبنفس الجلسه احكيليه انه محمد مش كزبه بس ما كنتي تحبيه حب حقيقي وصلى الله وبارك

10 أضيف بواسطة حبيبي, في 09-11-2008 | 02:27
شو في هو انت بتحبي محمد من اول او دخل خالد على الخط او رجعت اتحبي محمد بس خالد شد على الخط بعدين محمد لسة عايش بفكرك او خالد بشد على الخط بعدين دخلت بنت خالتك احكيلك في مواسرجي بالحارة الي ورنا بحل هشبكة روحولي لو منفعش شو فيلك محل خراطة برة بنفع

السابق - التالي >>